ما عاد انا مشتاق والا انت مشتاق

ماعاد انا مشتاق والا انت مشتاق
انا رقدت البارحه وانت ما مسيت

هذا انت دايم تقلب الصحبه خناق
ودايم تغلى والا انـا مـا تغليـت

صح انك اللي لذت اوصاله افراق
وصح انك اللي كل مارحت ماجيت

لكني احبك ومن كثر ما انسـاق
اشوفك بصوتك اليا اقبلت واقفيـت

بدق والا انا ترى مانيـب بـداق
انا لو اني اللي مزعلـك دقيـت


تعوذ من ابليس واتزين الاخـلاق
وتلفن وحاذر لا تلفن من البيـت

شغل جهازك واشحنه بعد لغـلاق
ودق لجهازي واعمل اكلوز لليت

خل الاتصال يقول مشتاق مشتاق
والذبذبات تقـول مليـت مليـت