جرحتني في صد الأ يام وأقفيت
وسببت للروح الحزينه تعبها
وليتك بعد جرح أقرب الناس داويت
جرح النفوس اللي جفاكم غمضها
بالله قلي وش انا فيك سويت
غيرالسلوم اللي حيانا فرضها
انا لوإني كل ماضقت خطيت
قصيدة من سمع فيها حفظها
يمدي كتبت من الدواوين
وأبليت حبر القلم والروح ماأنهت غرضها
مالي ومال الشعر بيت ورى بيت
لاصار هجران الحبايب نقضها
تقول ماصديت وأقول صديت
نفسك وش اللي عن غلانا عرضها
مسموح لو صديت ياذايع الصيت
ماكل حاجه لازم القي عوضها
ما دمت في رد الصدى عني ابطيت
ودست العهود اللي لسانك لفضها
ياليت انسى ذيك الأيام ياليت
لاصار ماداوت جروجي بعضها