خلني لاجيت ابووسك تنطق شفاتك000

عضو فعال

خذني بحضنك حبيبي ولمّني بشويش قوّه
بعثر اجوائي وشب الشوق في كل الحنايا

سو فيني يا نديمي كل شيٍ ما تسوّه
جيتك وكلّي ذنوب ولمّتك تغفر خطايا

لمّني أكثر فديتك مش كذا بالعمق جوّه
اه يا لبّى حنانك لا انتثر بين الزوايا

والله اني فيك ذايب والغلا مشبوب ضوّه
والمشاعر دون غيرك جاتك جيوش وسرايا

خلّنا نحضن بعضنا وانتشيطن وانتلوّه
خل يديني في خصرك وانت يدينك ورايا

خلّنا ننسى المكان بكل تفاصيله وجوّه
خلّني ما اشوف غير في البشر وانته معايا

خلّني لا جيت ابوسك تنطق شفاتك تروّه
ما بعد غمضت عيني لجل ازيدك من حلايا

خلّني لا ذقت خوخك أطعمه ما تقول أووّه
آهتكك تنهيد يشعل داخلي كلّ الخفايا

خلّني ادم وجبتك من ضلوع القلب حوّه
وخل تفاحة هوانا تنتهي فينا عرايا

خلّني وابل سحابك وانت يا المضنون نوّه
خلّني جنة سماك وخّلك فجنة سمايا

خلّني سلطان شعرك وانت في شعري فتوّه
خلّني شاعر جنونك واستقي منك السقايا

يا سمو الحب تدري لبى قلبك يا سموّه
عمري ما اتمنيت غيرك واقسمك رب البرايا

يا سمو العشق حلّق لين ما توصل علوّه
حب سامي حب طاهر حب تحلمه الصبايا

حب فيه الشك زايل والزعل غادي عدوّه
لا فراق ولا خصام ولا جروح ولا شظايا

حب فيه الورد يضحك شفت كيف الورد توّه
يبتسم يمـزح ينكّـت والسبب طيب النـوايا

حب مثل الطفل يكبر ويتبختر في نموّه
عيد ميلاده لقـانا وفرحـة اللقيا هـدايا

شي رقّه شي طيبه شي فتنه شي مروّه
والله اشياءك كثيره كثر ما بدمّي خلايا

فيك نخوّه وفيك ذمّه فيك حب وفيك خوّه
فيك من كل الصفات وفيك من كل المزايا

خل حسادك يقولوا زاد (......) في غلوّه
حقّــك وحقّــك وحقّــك دام متربع حشايا

ودامني لا جيت حضنك لمّني بشويش قوّه
ليش ما اهديك المشاعر وانزلك وسط الحنايا!